இளைஞர்களின் வேலைவாய்ப்பை பறிக்கும் அரசாணை எண் 56, 100, 101ஐ ரத்து செய்ய வேண்டும், 3,500 துவக்க மற்றும் நடுநிலைப் பள்ளிகளை உயர்நிலை மேல்நிலைப் பள்ளிகளோடு இணைக்கும் திட்டத்தை கைவிட வேண்டும் உள்ளிட்ட 9 அம்ச கோரிக்கைகளை வலியுறுத்தி ஜாக்டோ-ஜியோ சார்பில் மாநிலம் முழுவதும் 8ஆவது நாளாக வேலை நிறுத்தப் போராட்டத்தில் ஈடுபட்டு வருகின்றனர்.
இதில் 60 ஆயிரத்திற்கும் மேற்பட்டோர் பெண்கள், கைது செய்யப்பட்ட வர்களை திங்கட்கிழமை இரவு 10 மணிக்கு பிறகும் சென்னையிலும், பிற மாவட்டங்களில் நள்ளிரவு 2 மணிக்கு பிறகும் விடுதலை செய்துள்ளனர். பல இடங்களில் கைது செய்யப்பட்டவர்களுக்கு குடிநீர், உணவு போன்ற அடிப்படை தேவைகளைக்கூட காவல் துறையினர் வழங்க மறுத்துள்ளனர். நீலகிரி மாவட்டம் கூடலூரில் ஊழியர்களை கைது செய்து 3 மண்டபத்தில் வைத்திருந்தனர். அவர்களுக்கு குடிநீர் உணவு வழங்கவில்லை. பல பெண்கள் மயங்கி விழுந்தனர்.
மேலும் விாிவாக படிக்க இங்கே கிளிக் செய்யவும் ூ தீக்கதிா் நாளிதழ் -
