நாம் சாலையில் பயணம் செய்யும் போது சாலையின் நடுவில் கோடுகள் வரையப்படுடு இருப்பதைப் பார்த்திருக்கிறீர்களா? கோடுகள் ஒவ்வொரு இடத்திற்கும் தகுந்தவாறு வரையப்படுடு இரீக்கீம். அவற்றின் பொருள் என்ன என்பதை அறியலாம் வாருங்கள்......
1. மத்தியில் உள்ள இடைவிடப்பட்ட வெள்ளைக் கோடு:
இது சாலையின் அடிப்படைக் குறியீடு ஆகும். இக் குறியீடு உள்ள இடத்தில்சாலையின் தடம் மாறலாம். வாகனங்களை முந்தி செல்லலாம். பாதுகாப்பாக இருக்கும் பட்சத்தில் U திருப்பத்தில் திரும்பலாம்.
2. தொடர்ச்சியான வெள்ளைக்கோடு :
இவை முக்கியத்துவம் வாய்ந்த பகுதிகளில் காணப்படும். வாகனங்களை முந்தவோ, தடம் மாறவோ அனுமதி கிடையாது. இடதுபுறம் மட்டுமே வாகனங்கள் தொடர்ந்து செல்ல வேண்டும்.
3. தொடர்ச்சியான மஞ்சள் கோடு:
வெளிச்சம் குறைவான பகுதிகளில் உள்ள சாலைகளில் இந்த கோடுகள் இருக்கும். வாகனங்களை முந்தி செல்லலாம். இடதுபுறம் மட்டுமேஏ வாகனம் செலுத்தப்பட வேண்டும் என்பதை இக்கோடுகள் குறிக்கிறது.
4. இரண்டு தொடர்ச்சியான மஞ்சள் கோடுகள்:
ஆபத்தான மற்றும் இருவழி போக்குவரத்து உள்ள சாலைகளில் இந்த கோடுகள் வரையப்பட்டு இருக்கும். இது தடம் மாறுவதைக் கண்டிப்பாகத் தடைசெய்கிறது. மேலும் நாம் செல்லும் தடத்திற்குள்ளாக வாகனங்களை முந்தி செல்லலாம்.
5. நிறுத்தக் கோடு:
பாதசாரிகள் கடக்கும் கோட்டிற்கு முன்பாக இந்த கோடுகள் வரையப்பட்டிருக்கும். அவை போக்குவரத்துச் சமிக்ஞைகளில் வாகனங்கள் நிறுத்தப்பட வேண்டிய பகுதியைக் குறிக்கிறது.
6. தொடர்ச்சியான மற்றும் இடைவிடப்பட்ட கோடுகள்:
இடைவிடப்பட்ட கோட்டின் பக்கமாக வாகனம் செல்லும் போது பிற வாகனங்களை முந்திச் செல்லலாம். ஆனால் தொடர்ச்சியான கோட்டின் பக்கமாக வாகனம் செல்லும் போது பிற வாகனங்களை முந்தி செல்ல முயற்சிக்கக் கூடாது.
